លោក ហ៊ុន មុន្នីវណ្ណ
ប្រធានក្រុមប្រឹក្សាភិបាល
លោក ហ៊ុន មុន្នីវណ្ណ មានបទពិសោធន៍ជាង ២០ឆ្នាំ ជាមួយនឹងក្រុមហ៊ុនក្នុងស្រុក និងក្រុមហ៊ុនអន្តរជាតិ ដោយចាប់ផ្តើមពីការងារជាសវនករឯករាជ្យ នាយកគ្រប់គ្រងហិរញ្ញវត្ថុ អភិបាល ប្រធានក្រុមប្រឹក្សាភិបាល និងជាភាគទុនិក។ លោកក៏ជាអ្នកផ្តួចផ្តើមមួយរូប ក្នុងការបង្កើតក្រុមហ៊ុនវិនិយោគនៅក្នុងស្រុកមួយចំនួនដូចជា CIC Investment Plc. និង MVU Investment Plc.។
បច្ចុប្បន្ន លោក ហ៊ុន មុន្នីវណ្ណ បាននិងកំពុងបំពេញមុខងារជាអភិបាល និងជាប្រធានក្រុមប្រឹក្សាភិបាលនៅក្នុងស្ថាប័នជាច្រើនដូចជា៖ អភិបាលឯករាជ្យនិងជាប្រធានគណៈកម្មការសវនកម្មនៃកំពង់ផែស្វយ័តក្រុងព្រះសីហនុ អភិបាលឯករាជ្យ និងជាប្រធានគណៈកម្មការសវនកម្មនៃធនាគារស្ថាបនា ភីអិលស៊ី ប្រធានក្រុមប្រឹក្សាភិបាលនៃក្រុមហ៊ុន Aplus Consulting Co., Ltd. ជាអនុប្រធានក្រុមប្រឹក្សាភិបាលនៃវិទ្យាស្ថានសិក្សាដើម្បីជោគជ័យ ហើយលោកក៏ជាអនុប្រធានសភាពាណិជ្ជកម្មប្រចាំខេត្តសៀមរាប និងខេត្តឧត្តរមានជ័យផងដែរ។
លោកបានបញ្ចប់ការសិក្សាផ្នែកគ្រប់គ្រង និងគណនេយ្យពីសាកលវិទ្យាល័យ Maharishi Vedic ក្នុងឆ្នាំ១៩៩៧ និងបានចូលរួមវគ្គបណ្តុះបណ្តាលជាច្រើននៅក្នុងតំបន់អាស៊ី និងអឺរ៉ុប ជាពិសេសលើវិស័យវិនិយោគធនាគារ និងហិរញ្ញវត្ថុ និងសហគ្រិនភាព។
ឧកញ៉ា លឹម សុជាតិ
អភិបាល
ឧកញ៉ា លឹម សុជាតិ មានបទពិសោធន៍ជាង ២០ឆ្នាំ ជាមួយនឹងក្រុមហ៊ុនក្នុងស្រុក និងក្រុមហ៊ុនអន្តរជាតិ ដោយចាប់ផ្តើមពីការងារជាសវនករឯករាជ្យ ជាអ្នកជំនាញគ្រប់គ្រងហិរញ្ញវត្ថុក្នុងការវិនិយោគ ជាអគ្គនាយកប្រតិបត្តិ ជាអភិបាល និងជាប្រធានក្រុមប្រឹក្សាភិបាល។
បច្ចុប្បន្ន ឧកញ៉ា លឹម សុជាតិ បាននិងកំពុងបំពេញមុខងារជាអគ្គនាយកប្រតិបត្តិ អភិបាល និងប្រធានក្រុមប្រឹក្សាភិបាលនៅក្នុងស្ថាប័នជាច្រើនដូចជា៖
១. អគ្គនាយកប្រតិបត្តិនៃក្រុមហ៊ុន Laksmi Prime Investment Co., Ltd, Khmer Amrit Co., Ltd និងក្រុមហ៊ុន Kangaroo Venture Pty Ltd។
២. Managing Partner នៃក្រុមហ៊ុន PCG & Partners Co., Ltd (Cambodia)។
៣. ជាអភិបាល នៃគ្រឹះស្ថានមីក្រូហិរញ្ញវត្ថុទ្រព្យខ្ញុំ ភីអិលស៊ី គ្រឹះស្ថានមីក្រូហិរញ្ញវត្ថុ Bamboo ភីអិលស៊ី Urban Hub Co., Ltd, Cambodian Investor Club សភាពាណិជ្ជកម្មកម្ពុជា។
ឧកញ៉ាបានបញ្ចប់ការសិក្សាថ្នាក់បរិញ្ញាបត្រផ្នែកសេដ្ឋកិច្ច ពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ក្នុងឆ្នាំ២០០២ និងថ្នាក់អនុបណ្ឌិតជំនាញគណនេយ្យ ពីសាកលវិទ្យាល័យ London ក្នុងឆ្នាំ២០១៧។ ឧកញ៉ាក៏បានបញ្ចប់កម្មវិធីសិក្សាគណនេយ្យករជំនាញ Certified Public Accountant (CPA) ពីប្រទេសអូស្ត្រាលី ក្នុងឆ្នាំ២០០៩ និង Association of Charter Certified Accountant (ACCA) ពីចក្រភពអង់គ្លេសក្នុងឆ្នាំ២០១០។
ឧកញ៉ា សុខ ពិសិដ្ឋ
អភិបាល
ឧកញ៉ា សុខ ពិសិដ្ឋ មានបទពិសោធន៍ជាង១៨ឆ្នាំ ដោយចាប់ផ្តើមពីការងារជា អ្នកផ្តល់ប្រឹក្សា អគ្គនាយក អភិបាល ប្រធានក្រុមប្រឹក្សាភិបាល និងជាសហគ្រិន។
បច្ចុប្បន្ន ឧកញ៉ា សុខពិសិដ្ឋ បាននិងកំពុងបំពេញមុខងារជាអគ្គនាយក អភិបាល និងប្រធានក្រុមប្រឹក្សាភិបាលនៅក្នុងស្ថាប័នជាច្រើនដូចជា ស្ថាបនិកនិងជាអគ្គនាយកនៃក្រុមហ៊ុន Ggear Group Co.,Ltd និងក្រុមហ៊ុន BiZ solution Co., Ltd អភិបាលនៃក្រុមប្រឹក្សាអាជីវកម្មនៅក្នុងអនុតំបន់ទន្លេមេគង្គ សមាជិកនៃក្រុមប្រឹក្សាផ្តល់និងពិគ្រោះយោបល់អាជីវកម្មក្នុងតំបន់អាស៊ាន ប្រធានបណ្តាញសហគ្រិនពិភពលោកក្នុងប្រទេសកម្ពុជា ប្រធានក្រុមប្រឹក្សាភិបាលនៃក្រុមហ៊ុន Toys & Me Co., Ltd និងជាអនុប្រធានសភាពាណិជ្ជកម្មកម្ពុជាផងដែរ។
លោកបានបញ្ចប់ការសិក្សាថ្នាក់បរិញ្ញាបត្រផ្នែកសេដ្ឋកិច្ចព័ត៌មានវិទ្យានៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចក្នុងឆ្នាំ២០០៦ ថ្នាក់បរិញ្ញាបត្រ អក្សសាស្រ្តអង់គ្លេស ជំនាញអប់រំ នៅ វិទ្យាស្ថានភាសាបរទេស ក្នុងឆ្នាំ២០០៧ និងថ្នាក់អនុបណ្ឌិតគ្រប់គ្រងពាណិជ្ជកម្មនៅសាកលវិទ្យាល័យ Charles Sturt។
លោក SHIRAISHI YOICHI
អភិបាល
លោក SHIRAISHI YOICHI មានបទពិសោធន៍ជាង១៨ឆ្នាំ នៅក្នុងវិស័យហិរញ្ញវត្ថុ ដោយចាប់ផ្តើមពីការងារជា ប្រធាននាយដ្ឋានស្រាវជ្រាវនៃក្រុមហ៊ុន Hikari Tsushin Inc នៅប្រទេសជប៉ុន ជាអនុប្រធាននាយកប្រតិបត្តិ នៃក្រុមហ៊ុន Hikari Power Limited នៅប្រទេសជប៉ុន ជាអភិបាលនៃក្រុមហ៊ុន Triton Re Ltd. ជាប្រធានក្រុមប្រឹក្សាភិបាលនៃក្រុមហ៊ុនវិនិយោគមួយចំនួនទៀត។
លោកបានបញ្ចប់ការសិក្សាថ្នាក់បរិញ្ញាបត្រផ្នែកសេដ្ឋកិច្ច ពីសាកលវិទ្យល័យ Hitotsubashi Univiersity ក្នុងឆ្នាំ២០០២ នៅក្នុងប្រទេសជប៉ុន។
លោក ណា សុធី
អភិបាលឯករាជ្យ
លោក ណា សុធី មានបទពិសោធន៍ជាង២០ឆ្នាំ ជាមួយនឹងក្រុមហ៊ុនក្នុងស្រុក និងក្រុមហ៊ុនអន្តរជាតិ ដោយចាប់ផ្តើមពីការងារជាសវនករឯករាជ្យជាន់ខ្ពស់នៃក្រុមហ៊ុនសវនកម្មឯករាជ្យ Morison Kak & Associes ជា Audit Supervisor នៃក្រុមហ៊ុនសវនកម្មឯករាជ្យ Ernst & Young (Cambodia Ltd.) ជា Audit Partner នៃក្រុមហ៊ុនសវនកម្មឯករាជ្យ AT & Associates (Cambodia) Ltd. និងជាអភិបាលនៅក្នុងក្រុមហ៊ុនមួយចំនួនទៀត។
លោកបានបញ្ចប់ការសិក្សាថ្នាក់បរិញ្ញាបត្រផ្នែកសេដ្ឋកិច្ច ពីសាកលវិទ្យាល័យភូមិន្ទនីតិសាស្រ្តនិងវិទ្យាសាស្រ្តសេដ្ឋកិច្ច និងសញ្ញាប័ត្រអ្នកបច្ចេកទេសគណនេយ្យ (Certified Accounting Technician) ពីវិទ្យាស្ថាន CamEd។